الزرافة مش بس أطول حيوان في العالم، دي كمان عندها واحد من أعجب الأجهزة الدموية في مملكة الحيوان! أول حاجة لفتت نظر العلماء هي إزاي الدم بيوصل لمخ الزرافة رغم طول رقبتها اللي بتوصل لمترين؟ ده تحدي رهيب للجاذبية، لكن الزرافة عندها نظام فريد بيخلّي دا ممكن! قلب الزرافة مش عادي، ده سوبر باور. وزنه أكتر من 11 كيلو، يعني 20 مرة ضعف قلب الأسد و31 مرة ضعف قلب الإنسان. طوله 60 سم، وبينبض 180 نبضة في الدقيقة، علشان يقدر يضخ الدم بقوة ضعف أي حيوان ثديي تاني!. جدرانه سميكة جدًا (7.5 سم)، علشان يتحمل الضغط الرهيب من ضخ الدم لفوق! لكن رغم القوة دي، الزرافة لسه بتعاني من مشكلة ضخ الدم للدماغ، علشان كده عندها حيل عبقرية تحل بيها المشكلة: 1. مش بتفضل رافعة رأسها طول الوقت، بتاكل من الشجر القصير الأول علشان يمتلئ رأسها بالدم، وبعدها ترفع راسها تدريجيًا كل ثانيتين. 2. جلد الرقبة والساقين شديد السُمك والشد، زي الجوارب الضاغطة، بيساعد على دفع الدم لفوق بدل ما ينزل بسرعة! المثير بقى إن الطيارين في الطائرات النفاثة بيستخدموا نفس فكرة جلد الزرافة! البدلات اللي بيلبسوها (Anti-g suit) بتساعد عل...